Born som veks opp i familiar som har utfordringar i høve rus, psykiske helse og vald kan oppleve kvardagen som både stressande og traumatisk.
Kva for konsekvensar får dette for utviklinga til barn? Korleis finn vi desse barna slik at vi kan gi dei hjelp? Kan vi førebygge? Korleis følgjer vi opp barn som opplever traume?
Vi ynskjer også at fagdagen skal gi bakgrunnskunnskap og skape forståing for kvifor Barneblikk-satsinga blir utvida i Møre og Romsdal.
Fagdagen er eit samarbeid mellom BUP Volda, Sjustjerna og Høgskulen i Volda. Barneblikk-satsinga er medarrangør for denne fagdagen.
Kursavgifta for tilsette i HMR vert betalt i etterkant (tilsendt faktura til seksjon).
Målgruppe: Alle som er involvert i arbeid knytt til oppfølging av barn og unge si psykiske helse (skule, barnehage, barnevernsteneste, PPT, helsestasjon, fastlegar, helsestasjonsleagar, kommuneoverlegar, politi, kommunal psykiatriteneste, kommunepsykolog, kommunejordmor, BUP og DPS).
